შაბათი, 25 სექტემბერი 2021 წ.  03:46 
ღარიბაშვილის დაგვიანებული ყურადღება რუსთაველ მძღოლებს - 05 მაისი 2014

რუსთაველი მძღოლების აქციები თებერვლის შუა რიცხვებიდან დაიწყო. სხვადასხვა ხაზების ე.წ მეპატრონეები და რიგითი მძღოლები ჯერ მგზავრთა გადაყვანაზე კონკურსის გამოცხადებას, შემდეგ ჩატარებული კონკურსის შედეგებს და ახლა, უკვე ქალაქში გამარჯვებული კომპანიის მიერ ყვითელი სამარშუტოების შემოყვანას აპროტესტებენ.

აქციის მონაწილეებმა შიმშილობა დაიწყეს რუსთავის მერიის წინ, დადგეს კარვები, დაახლოებით თვე-ნახევრის შემდეგ კი რადგან ცვლილებები ვერ გამოიწვია მათმა პროტესტმა გადაინაცვლეს მმართელი პარტიის ოფისთან.

,,ოცნებასთან"  შეკრებილები პარტიის შესასვლელ კართან ავტომობილების გასაღებით აკაკუნებდნენ და აცხადებდნენ, რომ იქნებ ამ ფორმით მაინც მიიქციონ  ,,ოცნების" ყურადღება.

ხანგრძლივი პროტესტის მიმდინარეობისას მათთვის მხარდაჭერა არ გამოიხატავს არც მმართველ პარტიას და არც, რომელიმე თანამდებობის პირს. საკითხში გარკვევას დაპირდათ დავით ნარმანია და კახი კალაძე, თუმცა აქციის მონაწილეთა მდგომარეობა ამით არ შეცვლილა.

,,ოცნების" წინ აქციის მიმდინარეობისას თავის დაწვა სცადა ერთ-ერთმა ხაზის არაოფიციალურმა მეპატრონემ. აღნიშნულსაც არ მოჰყოლია თანამდებობის პირთა აქტიური ჩართვა პრობლემის მოსაგვარებლად. კულვარებში კი რუსთავის ადგილობრივი ხელისუფლება საუბრობდა, რომ თვითმკვლელობის მცდელობა დადგმული იყო.

რამდენიმე დღის წინ ერთ-ერთმა მძღოლმა, ვეფხია გოგილაშვილმა სიცოცხლე თვითმკვლელობით დაასრულა. მეგობრები, რომლებიც მის მსგავსად არიან რუსთავი-თბილისის ხაზებზე მომუშავე მძღოლები აცხადებენ, რომ გოგილაშვილი განიცდიდა ყვითელი სამარშუტოების შემოყვანას ქალაქში და მათი აზრით  თვითმკვლელობაც ამ სტრესის ფონზე მოხდა.

დაზუსტებით იმისი თქმა გახდა, თუ არა რუსთავში ჩატარებული ტრანსპორტის ,,რეფორმა" ადამიანის გარდაცვალების მიზეზი რთულია, თუმცა ფაქტია, რომ მხოლოდ ამ ტრაგედიის შემდეგ, რომელიც რიგი პარტიებისთვის პოლიტიკური ბრძოლის იარაღად იქცა, რუსთაველი მძღოლების მხარდასაჭერი განცხადებები გააკეთა პრემიერ-მინისტრმა.

დღეს რუსთავს მგზავრთა გადაყვანის  სანებართვო კონკურსში გამარჯვებული კომპანიის გასაკრიტიკებლად სტუმრობდა, პრემიერ-მინისტრი ირაკლი ღარიბაშვილი. მიუხედავად, იმისა რომ თვეებია გრძელდა მძღოლების პროტესტის პრემიერმა სიტუაცის მოწესრიგების ბრძანება ტელევიზიების თანხლებით, მხოლოდ ახლა გასცა.

"რუსთავში ჩემი ჩამოსვლის მიზეზია სამარშრუტო ტაქსებთან დაკავშირებით გამოცხადებული ტენდერი, რომელშიც ერთ-ერთმა კომპანიამ გაიმარჯვა. მაქვს შემდეგი შეკითხვა, რატომ დგას ხალხი ქუჩაში? ამდენი ხნის განმავლობაში გამარჯვებულმა კომპანიამ რატომ ვერ მოახერხა ამ ადამიანების დასაქმება და რატომ ვერ ასრულებს ის ნაკისრ ვალდებულებებს. კეთილი ინებოს ამ კომპანიამ, შეასრულოს ვალდებულებები, წინააღმდეგ შემთხვევაში კი მოგიწოდებთ, იმოქმედოთ კანონის შესაბამისად",- აცხადებდა ღარიბაშვილი.

საუბრობდა, რომ მისთვის ძვირფასია ყველა კანონის ფარგლებში მომუშავე კერძო კომპანია, თუმცა მათზე ძვირფასია თითოეული მოქალაქე.

 

ფოტოს წყარო: cp.ge

kkpress.ge მასალის გამოყენება შეგიძლიათმხოლოდსაიტის მითითებით 

 

 

რეპორტაჟი ცხოვრება ქვ. ქართლში

წალკის მუნიციპალიტეტი, სოფელი გუნიაკალა 

ათობით ოჯახი უკიდურეს სიღარიბეში ცხოვრობს.

(რუსთავი, მარის არხის დასახლება)

დმანისის მუნიციპალიტეტი, სოფელი ოროზმანი


 
რეიტინგული სტატიები

,,ბიუჯეტის დანაკარგები შეადგენს 719 700 ლარს“ - სახელმწიფო აუდიტი ქვემო ქართლის მუნიციპალიტეტების საქმიანობის შესახებ + (ვიდეო)

ქვეყნის ევროპული არჩევანი და საქართველოს აზერბაიჯანლების განწყობები


 
 
ვიდეოები
მცირე მეწარმეობის ხელშეწყობის პროექტი დაიწყო 
Video screenshot
ევროკავშირი - Avropa İttifaqı 
Video screenshot
აქციის მონაწილეები მინისტრებს ესაუბრნენ 
Video screenshot
გამოკითხვა
 
 

განხორციელებული პროექტები: ,, საინფორმაციო პორტალი kkpress.ge ქვემო ქართლის რეგიონის ქართულ მედიაში აქტიური გაშუქებისთვის".

ფინანსურსი მხარდაჭერა: საერთაშორისო კვლევისა და გაცვლების საბჭო ( IREX)

                                                                                                                                            პარტნიორები  

 

2021 ყველა უფლება დაცულია