პარასკევი, 24 ნოემბერი 2017 წ.  16:50 
"საქართველოს რეგიონული მედიის ასოციაცია" განცხადებას ავრცელებს - 30 ნოემბერი 2016

 

"საქართველოს რეგიონული მედიის ასოციაცია" შეშფოთებას გამოთქვამს თელავში არსებულ მედია კაფესთან დაკავშირებით შექმნილი სიტუაციის გამო. მიგვაჩნია, რომ თელავის მედია კაფესთან იჯარის ხელშეკრულება დაუყოვნებლივ უნდა გაგრძელდეს და არსებული სივრცე უნდა შეუნარჩუნდეს გაზეთ „კახეთის ხმის" რედაქციას.

ძველი შენობის თაღებიან დარბაზში განთავსებული Media Cafe მომხმარებელს წიგნებსა და ჟურნალ-გაზეთებს, ტკბილეულსა და ყავას სთავაზობს, მისი სივრცე ეთმობა სადისკუსიო შეხვედრებს, სემინარებსა და კინო-ჩვენებებს, ამავე დროს, მედია კაფეში ინტეგრირებულია გაზეთის რედაქცია, სადაც კაფეში მისულ ადამიანებს შეუძლიათ ნახონ, როგორ მუშაობენ ჟურნალისტები, ხოლო ჟურნალისტებს რესპონდენტებთან გასაუბრების საშუალება აქვთ.

მედია კაფე გახსნიდან დღემდე მასპინძლობს ცნობილ მწერლებს, საზოგადო მოღვაწეებს, ეწყობა სხვადასხვა ავტორთან შეხვედრა, კინო ჩვენება თუ დისკუსია. მედია კაფემ გახსნის დღიდან დღემდე უმასპინძლა 500-ზე მეტ კულტურულ-საგანმანათლებლო ღონისძიებას, 4 საერთაშორისო მედია კონფერენციას.

მერიის მხრიდან სხვადასხვა მიზეზის მიუხედავად დარწმუნებული ვართ, რომ ქალაქის ცენტრში მდებარე ამ კულტურული ძეგლის - შენობის მთავარი დანიშნულება სწორედ საზოგადოების კულტურული სერვისების შექმნა და ფუნქციონირებაა, რაშიც მნიშვნელოვან ადგილს იკავებს „მედია კაფე" თავისი კულტურულ-საგანმანათლებლო დანიშნულებით.

მივიჩნევთ, რომ „მედია კაფეს" შენარჩუნება აღიშნულ სივრცეში ხელს შეუწყობს სამოქალაქო საზოგადოებისა და კულტურის განვითარებას, გააძლიერებს ადგილობრივ დემოკრატიას და მედიას გახდის კიდევ უფრო მდგრადსა და დამოუკიდებელს.

ამიტომ გთხოვთ ხელისუფლებას, სამოქალაქო საზოგადოებას და ყველა დაინტერესებულ პირს, აქტიურად ჩაერთონ პრობლემის გადაჭრაში და მხარი დაუჭირონ ამ სივრცის შენარჩუნების იდეას.

 

 

რეპორტაჟი ცხოვრება ქვ. ქართლში

წალკის მუნიციპალიტეტეი, სოფელი გუნიაკალა 

ათობით ოჯახი უკიდურეს სიღარიბეში ცხოვრობს.

(რუსთავი, მარის არხის დასახლება)

დმანისის მუნიციპალიტეტი, სოფელი ოროზმანი


 
რეიტინგული სტატიები

,,ბიუჯეტის დანაკარგები შეადგენს 719 700 ლარს“ - სახელმწიფო აუდიტი ქვემო ქართლის მუნიციპალიტეტების საქმიანობის შესახებ + (ვიდეო)

ქვეყნის ევროპული არჩევანი და საქართველოს აზერბაიჯანლების განწყობები


 
 
ვიდეოები
არჩევნები 2017 
Video screenshot
აქციის მონაწილეები მინისტრებს ესაუბრნენ 
Video screenshot
გამოკითხვა
 
 

განხორციელებული პროექტები: ,, საინფორმაციო პორტალი kkpress.ge ქვემო ქართლის რეგიონის ქართულ მედიაში აქტიური გაშუქებისთვის".

ფინანსურსი მხარდაჭერა: საერთაშორისო კვლევისა და გაცვლების საბჭო ( IREX)

                                                                                                                                            პარტნიორები  

 

2017 ყველა უფლება დაცულია